Berio m.r. II 1.6/O pascio/3
| ←2 | Berio m.r. II 1.6 - O pascio Como Iuda se partì da li Zuê e si retornà a Christe, e Christe disse alli discipoli che aparegiassen la Pascha. |
4→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Et lantora lo fazo discipolo si se parti da li zue, e retorna a christe, Et lantora christe si comanda alli soi discipoli che elli pensassen de apparegiar la pascha, e li discipoli si fen segondo che christe gi aueiua comandao. La zobia santa christe si era cun tuti li soi discipoli in la caxa de simon leuroxo, e in quela caxa si era la doce uergine maria in compagnia de lo so figio, et ella conseruaua tute le parole che christe dixeiua. Et essendo christe alla mensa in la ceina, lantora ello si preixe lo pan e si llo benexi e llo charexo de uin semegeiuementi. Et si ordena in quella ceina quello sacratissimo corpo e sangue so, e si llo de a mangiar, e a beiue alli soi disipoli. Et faito questo ello incomenza a parlar cun grandissima humilitai digando, o dolcissimi fraelli e ue digo che uno de uoi si me de trair, e dar in le mayn delli pecchaoi e inperzo aora poei sauer e cognosser che lo figio de l omo ello si sera trayo e ssi sera daito in le mayn de li zue, Et inperzo megio sereiua staito che quello homo non fosse nao in lo mondo. Et lantora li discipoli incomenzan tuti a zurar, e a dir maistro, chi e quello chi te de trair, e guardando li discipori l uno a l altro digando in uerso christe, maistro e sereiua quello chi te don trair. Et Iuda si se uoze inuer christe e si ge disse, maistro e sereiua quelo chi te don trair, e christe si ge respoxe, tu mesmo l ai dito. Messer san zoane si sezeiua in la mensa lao de christe, (e) inpero che ello si era fantin e christe si llo amaua monto teneramenti che za aueiua ordenao de lasarlo in lo so cambio a soa maire. Et san piero si sezeiua a lao de san zoane et era tuto pin de dolor delle parole che christe aueiua dicto alla mensa de lo so tradimento, e inperzo se uoze a san zoane, e si disse, e te priego zoane, che tu demandi allo maistro, chi e quello de noi chi lo de tradir, e quando ello te l auera dito, si lo dirai a mi. Et questo dixeiua san piero inperzo che ello uoreiua ocir, quello chi uoreiua tradir christe, lo quar amaua monto, e tropo aueiua grande dogia che christe deuesse esser morto. Et lantora san zoane si se uoze inuer christe, et si lo demanda, e disse maistro e te priego che tu me digi chi e quello chi te de trair. Et christe gi respoxe pianamenti, ell e quello [a] lo qar e daro lo pan bagnao, e lantora christe si de lo pan bagnao a Iuda. Et quando messer san zoane aue zo uisto ello fo monto stremio, e uosse responder a san piero, zo che christe gi aueiua dito, ma lo segnor non uosse impedir la soa passion. che se san zoane auesse dito a san piero che iuda si e quello chi lo de trair, subito san piero l auereiua morto, e christe non uoreiua che san piero lo sauesse, e lantora san zoane si se buta e si se aremba son lo scosso de christe e si se adormi monto forte, e non respoxe niente a san piero.