Berio m.r. II 1.6/Lode sacre/9
| ←8 | Berio m.r. II 1.6 - Lode sacre Della Salutacion de la glorioxa vergen Maria. |
10→ |
| transcrito e pubricao da V. Crescini e G. D. Belletti into Giornale Ligustico X, 1883 |
Salve regina
sover li angeli exaltata,
alla maiestae divina
seai nostra avocata.
2.
Salve regina
maire de lo Salvaor,
o doce meixina,
chi sani li peccaoi,
Maria de gracia pinna,
roxa de le altre fiore,
davanti allo Creatore
seai nostra avocata.
3.
Seai nostra avocata
alla divina maestae;
no ne lasciai, vergen beata,
perire in le peccae,
o fontana de gracia,
maire de pietae,
per la vostra humilitae
da Criste tanto honorata.
6.
Criste cum tuti li santi,
Madona, a voi vegnivan,
li angeli e li archangeli
in soa compagnia.
Tuti cantavan canti
cum si doce melodia,
per voi, doce Maria,
chi sei tanto exaltata.
7.
Sover li angeli v'exaltava
Criste pin de dozeza,
et voi Madona ornava
de sovrana belleza;
in carrega ve setava
regina de tanta alteza.
Or cum quanta allegreza,
voi fosti incoronata.
8.
Coronata fosti in celo
da Criste lo vostro amor;
doce maire de deo
voi avesti tanto honor:
la luna sote li pè,
e vestia sei de lo sole,
corona de gran splendor
in testa a voi fo daita.
9.
Or chi porreiva pensare
quanto voi v'alegrasti,
o pietoxa maire,
qui in celo ancoi montasti?
Voi zeisti a regnar
cum Criste, che voi portasti;
lo fijor vostro abrazasti,
chi tanto ve à amao.
10.
Li angeri si se allegravan
per voi, doce regina,
et cum canti laudavan
la maestae divina;
a voi se inchinavan,
o stella matutina,
chi de splendor sei pinna,
da Criste illuminata.
11.
O altissima imperatrice,
davanti a voi pianzamo;
o doce aitoriarixe,
de bon
cor ve pregemo
seai nostra defenderixe,
che noi non periamo;
noi peccaoi tornamo
a voi nostra avocata.
12.
A chi demo noi tornare
se no a voi, Maria?
Voi sei la nostra maire,
voi si sei la nostra gia.
Or chi non dè sperare
in la vostra cortexia?
Ogni homo trova aia
in voi, vergen laudata.
13.
Maria, nostro conforto,
de noi ve aregordai,
et lo doce fijor vostro
per noi semper pregai.
Doce maire, condune allo porto,
donde noi semo descazai;
per voi seamo salvai,
doce nostra avocata.