Çittara zeneize/Rimme villareççe/In questa ombroza grotta anco hò posciúo
| ←Sciù ro scciattâ de l’Arba stamattin | Çittara zeneize - Rimme vilæçe de In questa ombroza grotta anco hò posciúo |
Avessi túe, in tanta tò malora→ |
| Zena, Franchello, 1745 notte do Prien |
XVII.
In questa ombroza grotta anco hò posciúo
Mœuve a pietǽ ri sassi dro mæ mâ:
Ri hò visti in lagrimette strixellâ,
Andâ per compassion tutti in un suo.
Ni sascio s’è trovao sì duro e cruo,
Chi se sæ contegnuo de sospirâ.
Eco pe ra caverna passaggiâ
Se sente, strangosciâ comme un battúo.
Solo in ti ra pietǽ, ra compassion,
Lichiña, trœuvo morta e sepelía
Per uverno, per stǽ, d’ogni saxon.
Nì per fâte un tantin manco induría,
Manco è bastante ra discreçion,
Chi vive in ogni mutta e morta pria.