Çittara zeneize/Rimme servî/Me pâ che cazze in pê comme ri gatti

by Gian Giacomo Cavallo

←In cangio d’allegrâme, avei per fruta

Çittara zeneize - Rimme servî de Gian Giacomo Cavallo Me pâ che cazze in pê comme ri gatti

Lavâ ra testa a l’aze; scigorâ→

Zena, Franchello, 1745
notte do Prien

XI.

Me pâ che cazze in pê comme ri gatti,
Quando veggo Zaniña; e ro mæ grao
Manco no cangerǽ con l’Imperao:
Son ciù ricco e contento che ri matti.

Me sento in corpo fâ mille sciaratti
Ro cœu, comme fa un matto desligao.
Se no son lesto, un dì son vergognao;
Façço per Zena quarche desbaratti.

Gexo! diggo tra mi tutto sospeizo:
Sonnê in cascia, ò pù son fœu de míe?
Aela donna, ò retræto de Pareizo?

Lê chi væ’ che me segno, a se ne rie,
E se parte, e me porta via de peizo,
Seben resto de statua bello líe.