Çittara zeneize/Rimme marinaresche/Zà ro Çê començava a fâse gianco
| ←Un mirion de care int'ra mariña | Çittara zeneize - Rimme mainæsche de Zà ro Çê començava a fâse gianco |
Questo panê de dattari marin→ |
| Zena, Franchello, 1745 notte do Prien |
VI.
Zà ro Çê començava a fâse gianco,
E l’Arba spantegava a piña man
Sciù l’erbetta dri scœuggi ro çaffran,
E ro carro dra nœutte era zà stanco.
Quando longo e strateizo in sciun un banco
Per stancheçça addormio drent’un caban,
Ra mæ Maxiña in atto ciù che uman
Se m'è in sœunno pósâ lì da ro scianco:
E in parolle non solo da desciâ
E ri sœunni e ro Sœunno da dormî,
Ma ri morti e ra Morte suscitâ,
Ballin, parǽ ch’a començasse a dî.
Oimè! che in questo l'hò vosciúa abbraççâ:
Veggo ro Sœunno e lê fuzze e sparî.