Çittara zeneize/Rimme marinaresche/Ra megio lesca, che moǽ fesse Dê
| ←Pin de mille sperançe Amô me ghia | Çittara zeneize - Rimme mainæsche de Ra megio lesca, che moǽ fesse Dê |
Questo Liban aççeizo incatranao→ |
| Zena, Franchello, 1745 notte do Prien |
II.
Ra megio lesca, che moǽ fesse Dê
Da pœu che l’arte è impoza, e mi ra façço,
Ra sciô, se non m’inganno, dro vermaçço,
L’hò mi dentr’esta straçça de panê.
Mentre che luxe ancon ra Luña in Çê,
Vaggo a ri scœuggi d’atro che de passo.
Tutto, Maxiña cara, me desfaçço:
Vaggo, e no tocco terra con ri pê.
Oh se tanta ventura me mandasse
Amô, per prezentâ ra mæ Maxiña,
Che quarche loaççœu se m’inlamasse!
Che quarche bell’órâ, che quarche ombriña
A ra canella ancœu me capitasse!
Oh Ballin ricco ciù che ra mariña!