Çittara zeneize/Rimme marinaresche/Queste secche sì comode e cianelle
| ←Quando de secca in secca va Maxiña | Çittara zeneize - Rimme mainæsche de Queste secche sì comode e cianelle |
Quando ammorta ro Sô ra sò candeira→ |
| Zena, Franchello, 1745 notte do Prien |
XXIV.
Queste secche sì comode e cianelle,
Onde ro Sô per naturâ destin
Sciù ro levâse pâ che ogni mattin
Per baxâre e adorâre s’allivelle:
Questi scœuggi sì ricchi de patelle,
Onde, comme addormío a ro tettin,
Ro Mâ, sença passâ ri sœu confin,
Pâ che per reverençia no parpelle;
No per atro son tanto avantaggǽ,
Maxiña, da ri atri de favoî,
Che per éssete chì tanto accostǽ.
Che se un Sô solo fa tenti stupoî,
Cose dè fâ ri Soî moltiplichǽ
Chì, donde, in cangio, d’un, ghe n’hemmo doî?