Çittara zeneize/Rimme çivî/Quanto ciù ro çervello me lambicco
| ←Mæ cœu, se ro croâve un dì a ri pê | Çittara zeneize - Rimme çivî de Quanto ciù ro çervello me lambicco |
Se ra vitta, che façço e che hò da fâ→ |
| Zena, Franchello, 1745 notte do Prien |
XIII.
Quanto ciù ro çervello me lambicco
Aprœuvo a questi versi benedetti,
Per vei de mœuve a força de Sonetti
Questa Crua, chi me ten sempre a l’appicco,
M’interven giusto comme a l’arabicco:[1]
Me ne vaggo in pancœutto e menuetti:
Ogni dì ciù me cazze ri noetti,
Con vei che ogni dì manco ra bosticco.
Façço ri versi, sempre ri taggiucco:
Ghe staggo dì e nœutte tanto adosso,
Che no ghe lascio un minimo pelucco.
Ma mentre m’assassiño a ciù no posso,
Che peiro a lô ra ciumma, e ri pelucco,
Amô me peira a mi ra porpa e l’osso.
- ↑ Lambicco. Mi accade come al Lambicco, in cui si va consumando lentamente ciò che contiene.