Çittara zeneize/Rimme servî/Per fâme un vero scciavo da cadeña

by Gian Giacomo Cavallo

←Rozâ no impe fossǽ

Çittara zeneize - Rimme servî de Gian Giacomo Cavallo Per fâme un vero scciavo da cadeña

Tutto l’oro dro mondo in paragon→

Zena, Franchello, 1745
notte do Prien

I.

Per fâme un vero scciavo da cadeña,
E per poeime a sò posta strapaççâ,
Amô m'ha fæto un tiro da corsâ,
M’ha fæto fâ uña bella Madareña.

Sarüei ra patroña amarapeña,
Che Zaniña vì zù sciù ro portâ.
Oimè! che o me n’ha fæto imbertonâ,
Comme apointo ro gatto dra mezeña.

Onde hò perso ogni gusto, ogni rescioro:
Ghe son sempre a ra côa, sempre aderrê,
Comme s’a foisse tutta quanta d’oro.

Zaniña cara, per amô de Dê,
Ghe diggo, ti no vei quanto t’adoro?
Che per ti poæro un morto in sciù doî pê?