Çittara zeneize/Rimme çivî/Minetta, me ne vaggo quanto posso
| ←Quanto ciù me despœuggio, manco sâto | Çittara zeneize - Rimme çivî de Minetta, me ne vaggo quanto posso |
Añima mæ, voî fæ cointo che cante→ |
| Zena, Franchello, 1745 notte do Prien |
IX.
MInetta, me ne vaggo quanto posso.
Mœuro, mæ cœu, ma mœuro desgustao,
Che, se vaggo de là, sarò forçao
A descrovîve a voî ra porpa e l’osso.
Che se voî me mettei ra morte adosso,
Me mandǽ sotteterra desperao,
Se sarò d’ogni cosa interrogao,
Comme posso passâmera de grosso?
Mæ cœu (tremmo de dîra) e che doroî
Saran ri mæ de veime in quello intrigo?
Añima cara, e che sarà de voî?
Minetta, poei, schivâ questo perigo?
Dighemmosera netta chì tra noî:
Donca vorei fâ rie l’iñemigo?