Çittara zeneize/Rimme çivî/Minetta, in questo pointo façço invô
| ←Finchè dura ra luçça e ro capriçio | Çittara zeneize - Rimme çivî de Minetta, in questo pointo façço invô |
Partença per Mariña→ |
| Zena, Franchello, 1745 notte do Prien |
XL.
Minetta, in questo pointo façço invô,
Quando ben voî m’avessi da refâ,
De no dîve ciù ninte dro mæ mâ.
Accordævene voî con ro Segnô.
Quanto hò fæto fin chì per vostro amô,
Tutto ro Mondo no ro pœu desfâ.
Ma che me degge ciù desbattezzâ,
Piggǽ, se ve ro cressi, un grosso errô.
Per questo, me decæro in sciù doî pê:
Me daggo aora per sempre per pentìo
D’essemeve perduo tanto a derrê.
Me poæro Crestian d’essene uscìo:
N’ærzo re moen per giubilo a ro Çê.
Oh cara libertǽ! Minetta, addio.