Çittara zeneize/Rimme çivî/Mæ cœu, seben per voî son dent’re picche

by Gian Giacomo Cavallo

←Donna, zà che ton tanto studio e cura

Çittara zeneize - Rimme çivî de Gian Giacomo Cavallo Mæ cœu, seben per voî son dent’re picche

De passo in passo un pensamento nœuvo→

Zena, Franchello, 1745
notte do Prien

XX.

Mæ cœu, seben per voî son dent’re picche,
Ond’Amô dì e nœutte m’assequæra,
Ho ro cœu largo comme uña tortæra,
Chi me conseggia che no me bosticche.

Ognun pe ra Çittǽ me fa re ficche:
Tutto ro Mondo se ne fa gazzæra.
Mi façço dro mæ mâ festa e bombæra:
Rio, per no parei che me ne picche.

Ançi quando quarcun se n’ascramaña,
Diggo che in voî no gh’è corpa nisciuña,
Che me son lamentao de gamba saña.

Dezinganno re gente a uña a uña:
M’inganno mi d’andâ troppo a ra ciaña.
Dî voî, se son taggiao de bonna luña!