Çittara zeneize/Rimme çivî/Dro torto, che reçeivo in questo Mondo
| ←Da mi in fœura, e chi, mæ cœu, pensâvo | Çittara zeneize - Rimme çivî de Dro torto, che reçeivo in questo Mondo |
Donna (megio dirò, se diggo stria→ |
| Zena, Franchello, 1745 |
III.
DRo torto, che reçeivo in questo Mondo,
A ro tò Magistrato, Amô, m’appello.
Crio giustiçia a gora de lavello
Dro mæ patî, chi n’ha ni fin ni fondo.
Mœuvo a pietǽ l’abisso ciù profondo
Con questo mæ cruissimo maxello:
Ri sassi a son de lagrime strepello:
Ra terra sott’e sovera confondo.
Giudica ti, ma con man giusta e netta,
L’ingiustiçia d’un tanto desbaratto,
Chi demanda a ro Çê sangue e vendetta.
Ma che sperâ da ti forma ò recatto,
Giudiçe chi n’ha testa ni berretta?
Ah nescio! che stravañio, e che son matto!