Çittara zeneize/Rimme çivî/Donna, zà che per lagrime e per centi
| ←Me pâ giusto a ro zœugo de Promera | Çittara zeneize - Rimme çivî de Donna, zà che per lagrime e per centi |
Donna, zà che ton tanto studio e cura→ |
| Zena, Franchello, 1745 notte do Prien |
XVIII.
Donna, zà che per lagrime e per centi,
Onde porto zœumoǽ ra vista torta;
Zà che con questa cera e fûta e smorta
No basto a fâve fæ’ dri mæ tormenti;
Frusto da tenti amareghi e bestenti,
Descreditao con voî (che ciù m’importa)
Metto re ciave ancœu sotta ra porta,
Resoluto d’andâ pe ri mæ venti.
Addio, donna, me parto e vivo e san,
Ro pezo che poei fâ, ve ne poei rie,
Che parto a ra lovesca comme un can.
Minetta, addio, ve cianto bello chìe.
Ro tempo ve farà toccâ con man.
Chi è veramente bestia, ò voî, ò mìe.