Çittara zeneize/Rimme çivî/Donna, serpente de l’inferno crua

by Gian Giacomo Cavallo

←Donna (megio dirò, se diggo stria

Çittara zeneize - Rimme çivî de Gian Giacomo Cavallo Donna, serpente de l’inferno crua

Donna, quando m’appenso che agge avuo→

Zena, Franchello, 1745
E notte en do Prien.

V.

DOnna, serpente de l’inferno crua,
Uscìa da ro profondo de l’abisso,
Per metteme a sbaraggio e in compromisso
L’añima, in terra pe ro Çê nasciua:

Donna, a ro mondo (posso dî) vegnua,
Comme Dommenendê forsi ha permisso,
Per tormentâme, e fâme^[1] in breve schiçço
Ro retrǽto d’un’añima perdua:

Zà che re mæ pecchǽ m’han condannao
A così agra e dura penitença
De pregâ sempre un marmaro incarnao,

Sbatto terra a ra fin dra paçiença;
E de tanti sospiri che ho buttao
Ve demando ra morte in recompensa.

1. E far che io in abbozzo sia il ritratto, &c.