Çittara zeneize/Rimme çivî/Cærabella

by Gian Giacomo Cavallo

←Patî per gove

Çittara zeneize - Rimme çivî de Gian Giacomo Cavallo Cærabella

Rondaninetta→

Zena, Franchello, 1745
notte do Prien

Cærabella,
Luxernetta,
Lanternetta,
4Stella piccena, ma bella,
Chi te ghìa?
Fantaxia
De passâ così l’umô?
8O’ ciù tosto ro tò Amô?

Quello raggio
De lumetto
Così netto
12Aelo lumme da viaggio?
O’ giojello
Per anello?
Aela pria da ligâ?
16Aelo fœugo, o pù ro pâ?

Se l'è fœugo,
Bordelliña,
O no striña?
20Comme fǽto a trovâ lœugo?
Ti verezzi,
Ti gallezzi,
Ti te poæri d’esse in Çê
24Con l’inferno de derrê.

Bella sorte!
Biâ tíe!
Così míe!
28Mi che Amô me dà ra morte:
Mi, che un forno
Nœutte e giorno
In mæ vitta hò da patî,
32Ni ne spero moǽ d’uscî.

Figatella,
Ferma, aspiçça
Uña stiçça
36A ra tò ra mæ faxella,
Perchè a luxe^[1]
Ma no bruxe,
A ra crua chi ha tanta sæ
40Dro mæ mâ, e no ro cræ.

1. Acciocchè, senz'ardere, riluca, si faccia vedere, si renda sensibile agli occhi di quella Cruda, &c.