Çittara zeneize/Rimme çivî/Anima mǽ, no me movei ciù guerra
| ←Amô, quando seguì ro tò camin | Çittara zeneize - Rimme çivî de Anima mǽ, no me movei ciù guerra |
Finchè dura ra luçça e ro capriçio→ |
| Zena, Franchello, 1745 notte do Prien |
XXXVIII.
Anima mǽ, no me movei ciù guerra;
No m’accrescei ciù fœugo int'ro gippon:
Zœumoǽ moveive a quarche compassion;
Che se tardǽ ciù ninte, son per terra.
Voî vei che in cera ho ro corô dra terra,
Che poæro ro retræto dra passion;
Che misso con ra morte in paragon,
Poæro un morto cavao de sotteterra.
Per atro ve protesto e torno a dîve,
(Zà che voî gustǽ ciù de senti Noña,
Che de cangiâ con mi forma de vive)
Che, se giustiçia è in Çê, comm’a gh’è boña,
Temmo che un dì... no me l’incallo scrive:
Taxo ro resto, perchè sei patroña.