Ro Chittarrin/Per un bellissimo pappagallo regalao all'aotô da ro M. Capitan Domenego Castellin

Ro Chittarrin, o sæ strofoggi dra muza de Steva de Franchi
Per un bellissimo pappagallo regalao all'aotô da ro M. Capitan Domenego Castellin


[p. 77 modifica]
PER UN BELLISSIMO PAPPAGALLO

Regalao all'aotô da ro M. Capitan
DOMENEGO CASTELLIN.

SONETTO.


Ro Pappagallo che m'avei mandao,
Scio Capitañio, dri ciù belli e fin,
O dixe, Viva viva Castellin
L'Eroe Zeneize; e ne son consolao.

E savei chi a dî questo gh'a insegnao?
Mi, tutti i mæ de caza, e ri vexin;
Chi va, chi ven, ri grendi e ri piccin,
Che ve vórreivan tutti immortalao.

Se campassan ste bestie un mirion d'anni,
Ò pù quanto ro mondo pœu durâ,
Vorræ arvîghe ra porta, e dîghe: Vanni,

Porta sta nœuva chì de là da mâ
Dro bravo Castellin. Ma sonê un xanni!
[sic] per tutto ro mondo a l'è arrivâ.