Rime diverse in lingua genovese/Re membre han misso i homi in libertè

Rime diverse in lingua genovese de Poro Foggetta
Re membre han misso i homi in libertè
da-e Rime diverse in lingua genovese, Bartoli, Pavia, 1588
cangiòu e u in v e viçeversa
clicca i asterischi pe l'errata corrige
[p. 38 modifica]

Re membre han misso i homi in libertè
Aura c'han misso i homi in libertè
Ch'intre cazze strinchè, dentri gippoin,
Con mille strinche stavan ben serrè.

5E d'esto andà chiu liberi, e sciorrè
Goan ri vegi, zoveni, e garzoin,
Ni han chiu davanti quelli braghettoin,
Ch'ingannavan con strazze donne assè.

E per fà ro besuegno naturà
10Despointà tente strinche no conven,
E chi hà ra rogna se ra pò grattà.

[p. 39 modifica]


Si pà ch'esti càzoin n'aguran ben,
Perche Zena se fè Reinna dro Mà,
Quando càzoin portavan ri Citten.

15Si che a i homi stan ben,
Ma chi re donne ancon i uzan portà,
Che zò che i homi fan lou vorran fà.*

Si dixan che ghe pà;
Che femene aura i homi sen vegnui,
20Perche firà ri ven ni son temui.

E de virtù son nui;
Si dixan che trovaou questi càzoin,
Perche son comodissimi, e son boin.

Per lo atri patroin;
25Che no han da desgroppà che unna picaggia,
Quando ghe ven per poira ra scagaggia.

Perche son dra medaggia;
Dri nostri antichi* bravi ro reverso,
Chi fen tremà con i arme l'universo.