Rime diverse in lingua genovese/A messè Angero Saoli Strè
| ←Tanto ama ogn'un ri loeghi naturè | Rime diverse in lingua genovese de A messè Angero Saoli Strè |
A Barbara regina dro me cuòe→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa; clicca i asterischi pe l'errata corrige |
Saoli Strè.
Chiu dri Meroin re fighe gusto assè
O sen fighe veraxe, ò fighe scioi,
Pù che no chiove, che ri troppo humoi
Guastan re fighe bonne, e assoxenè.*
5Mà quelle, che voi Saoli me mandè
De i atre fighe tanto son megioi,
Che se ben fosse Saolo come voi:
Me parreivan divinne de bontè.
E veramenti esse divinne den
10Re fighe vostre, c'han savò de Dè,
E voi me re mandè, ch'Angero sei,
E d'esse Angero in chiera mostrè ben
E d'Angero costumi ancora havei,
Dri que n'arvì ra bella Strè dro Cè.
Foggetta vostro, ch'intre vostre foggie
Fighe rubade, e bruggiasotte choggie.