A ro Sig.r N.


Lustrissimo Patron,
Me despiaxe che per sto contorno
Questa mattin n'accadde dí bon giorno,
Perchè se vuoi senza dormí sté li,
O l'è fin d'heri ch'hei cattivo di;
E se quelli, a chi tocca,
Non fan comme fa zocca,
Chi truoeva verso de vorrei ra teira,
Non sò quando diremmo bonna seira,
Fra tanto v'arregordo Giurian
Per quella cosa chi finisce in -an.


A ro Sig.r N.


Lustrissimo Patron,
V'è ben parso sta nuoette per mé fè
Ciù longa, che quand'Ercole nascè,
E se non fè comme za fè Giosuè,
Che d'Appollo fermà ri cavallin
Non sò se n'uscivi doman mattin,
Fra tanto mi vorré fin che sté li,
Che me fessi unna gratia ancora a mi,
E che de ciù ve ne fassé informá,
Da ro sció Giambattista Imperiá.