 |
Questa pagina a no l'è stæta corretta. | |
Ma se vuoi sté a vei faghe quello gesto,
O che si ch'un oxello mostr'all'atro?
Idest vuoeggio dí, che se consideré
Ch'o no puoe stá, s'o foise un san Macario
Veggando quello ballo dro canario,
Che ro ballo de Pero o non desidere.
Ms puoescia in concrusion, perchè me gruoerio
Sempre muoé de servive donde posso,
Ve fasso mé patron dra porpa, e l'osso,
E dell'oxello, e ancon dell'assessuoerio.
Lustrissimo Patron,
Sta mattin in tre l'Arba,
Asuoennoù mi me son
Che ro sció Giambattista vostro barba
Era restoù dri quattro de San Zorzo;
Onde mi questa supprica ve porzo,
Che vuoi deman mattin gratia me fé,
De digh'in scrito, che per charité
Se ro suoenno vegnisse vision,
O vuoeggie favorí da bon patron
Pe ra cascia dro Gran
Ro vostro Giurian;
Perchè se lié in restreito o me ghe lascia,
Vatt'a piggia Giurian fuoera de cascia.
