Pagina:Noberasco.Antologia.1930.pdf/43

— 45 —

Quattro righe de riçaetta,
Promettendoghe de botto
Guarigion ciù che perfaetta.
Dunque Recipe: un çerotto
Dove segge in quantitae
De cantaridi pestae,
E o se gh’appliche deré.
O saveiva o so mesté!
O marotto in te sto faeto
Chi do porto o l’è o ritraeto.


O porto de San-na
(A revista da Çittae da O Canocciale de Savon-na pe l’anno 1848)


Là da e parti de ponente
Se descrêuve ûnna goletta,
Che vegnindo con bon vento,
A s’accosta in t’un momento.
Mi me creddo ch’a s’infie
Drita in porto.... ma voêi rie?
Proprio in faccia do lampion
(O l'è o celebre lampion
Che in sciä çimma d’un steccon
O sûpplisce per fanâ,
E o l’è sempre lì per spiâ)
A me cangia direzion,
E vortando a prua de fêua
Laesta laesta a se ne scappa,
E a se mette presto ä cappa
In sciö cavo d'Arbissêua.
Mi pensava mäveggiôu:
Cose diascoa a l’ha trovôu?
Che a me pigge mannaman
Pe’ a bazara o pe’ o barban?
Che o mae arneise a o credde ancon
Quarche pezzo de canon?
Mentre son proprio de stoppa,