 |
Questa pagina a l'è stæta corretta. | |
— 172 —
II
Quando, in sce-o fâ da seia,
Se leva l’arbaxìa,
Isemmo presto a veia,
Sarpemmo l’àncoa, e via!
O çe stellòu s’inarca,
Gh’emmo per letto o mâ
E pe strapunta a barca;
Dormi? No se porrià?
Se o pescio o l’è filón
E o ne veû fâ o bordello,
Mangiandose o boccòn
Sensa mesciâ o nattello,
Ghe demmo o straordinajo
De fuscina e salajo.
III
Semmo i pescôei do mâ
Da Rivea de Ponente:
De tiâ de rei, pescâ,
Pochi ne pêuan sta arente;
Che a fâ sta profescion
Ghe vêu trae cöse grende:
Amô do mâ, pasciòn
E fegato da vende.
Se o pescio o l’è filón
E o ne veû fâ o bordello,
Mangiandose o boccòn
Sensa mesciâ o nattello,
Ghe demmo o straordinajo
De fuscina e salajo.
IV
Ma i ciû bülli pescôei
Son questi chì de Sann-a:
Ghe guarda sempre e rei
