 |
Questa pagina a no l'è stæta corretta. | |
e ch'o l'andesse in gïo sempre a taston,
comme ûn figgiêu quando o zêuga all'orbetto:
cöse importa s'o piggia ûn strambaelon?
ghe son lö a dâ braççetto.
Ma o tempo l'é passôu che Berta a fiava:
aoa, sta gente a l'ha perso o scigoâ;
no gh'é ciù a-o mondo ûnn-a testa de rava
che a-o scûo vêugge restâ:
e libero o pensciëo – ninte ciù o ten –
o vêu da lûxe e o va, – cö stesso amô
dell'aquila, che s'arsa in äto ben
co-i êuggi fissi a-o sô.
