Pagina:Malinverni.Due.brocche.de.viovetta.1908.pdf/52

Brrr... che freido!


Doppo ûnn-a fïa de splendide giornæ
sensa ûnn-a bava d'aja, che se diva:
semmo in dexemhre a mazzo ritornæ?
(ingannâ quarche cianta in sprescia a scioîva)

da ca do diao l'inverno ecco o l'arriva
co-i sò candioti e co-i venti giassæ:
(ûn costo de viovetta anchêu me moiva
e ûnn-a cianta de rêuze, che assoiggiæ

a redosso da mûagia do giardin
creddeivan vedde presto a primmaveja...
Comme ven fïto, tutt'assemme, a fin!)

Segge pronto o vin cädo pe stasseja;
de legne e de fascinn-e in to cammin....
brrr... che freido! - Senti? Sbraggian: o neeeja!...