Pagina:Malinverni.Due.brocche.de.viovetta.1908.pdf/45

Pensando a-o Natale


Dixan ch'o segge ûn giorno
de freido e d'allegria:
gh'é o pan-doçe in to forno,
e o freido o scciappa a pria....
se gh'é ûn parmo de neive
dixe ch'a no fa mâ:
l'é bello mangiâ e beive
scädandose a-o fogoâ.

Ah! o fogoâ d'ûnn-a votta
co-a sò gran cappa e e banche,
che se ghe stava sotta,
co-e barbe neigre e gianche,
demoandose cö fêugo,
co-e mollette e o tisson,
e o poeiva dîse ûn lêugo
de paxe e de riûnion!

O so, vegiûmmi; – devo
mi sta scimpatia matta
forse a Ippolito Nievo,
a-o castello de Fratta
ä sò töre, a-o sò ponte,
all'immenso cammin,