 |
Questa pagina a no l'è stæta corretta. | |
Comme sæ bello stâsene
– o pensava – a sta sciamma!
Scordase tûtto; i crûzii,
o bando, a vitta gramma,
stâ a-o cädo in to sò nïo
tûtti d'accordio in gïo
a-o nostro cäo fogoâ!
Ah! poveo santo martire,
chi avieiva dito allöa
che a tò bella repûbblica
a sæ andæta in malöa?
che ti finiesci a vitta
solo, comme ûn ermitta,
lontan da casa tò?
Lascemmo queste lastime;
l'é o mondo ûn montechinn-a:
ven poi... sitto! a propoxito
tornemmo là in Oeginn-a,
dove a gente a s'asprescia,
perché quande a s'adescia
a sa fâ i fæti sò.
Gh'ëan tûtti, sotta ai ærboi,
a-e rovee do Santuajo,
solite a vedde i luveghi
fratti giasciâ o breviajo,
a sentî o gran cicioezo
