O Paisan
O bello Segnô cäo!
a l'é questa a çittæ?...
questa a l'é ca-do-diäo:
l'é mëgio coscì assæ
e valladde, e montagne,
i bricchi de ca mæ.
Lasciù gh'é de vivagne
fresche che fan bell'êuggi,
fromagge, êuve, castagne;
chi vin grammo di Schêuggi...
v'imbarlûgan duî gotti,
e a barca a va in ti schêuggi.
Oh! che brûtti zoenotti
tiæ sciù co-a cassa-ræa,
che facce da marotti!
Ch'a segge a gran monæa?
co segge o pensamento?
ch'a segge... a canniggæa,