 |
Questa pagina a no l'è stæta corretta. | |
Sitto bæ, caccite sotta,
presto sotta, in ti lensêu,
che se no, ghe säta a futta
de sentî cianze i figgiêu:
sitto, bæ, caccite sotta.
Siit!.. ti senti?.. ton... ton... ton...
i remaggi en zà dä porta:
g'han do bello e g'han do bon
pe i figgiêu bravi in ta sporta:
siit!.. ti senti?... ton... ton... ton...
Cäo, doman.... Ma zà o bamboccio
o l'é preizo e ciù o no mescia;
e de bonn-e a fa ûn scartoccio
pe doman, quande o s'adescia,
a mammà pe-o sò bamboccio.
