 |
Questa pagina a no l'è stæta corretta. | |
(che diao d'ûn Ciaravalle)
l'abbaco di spozoeì.
Poi, stento scinn-a a creddila,
che chì d'inverno o neja,
che e rêuze e che i ganêufani
scioiscian de primmaveja,
che a zûgno aviemo spighe
de gran e giornæ cäde,
ûga a settembre e fighe
brigiassotte e rûbade.
Mi in mêzo a-e dotte pagine
dell'almanacco nêuvo,
çerco con tûtta l'anima
quarcosa che no trêuvo:
sæmo feliçi? o ûn fûrmine
pêu dâse ch'o n'accoppe?
sto bonnægia, sto fuccao
o me risponde coppe.
Ma in riva do Bezagno
noî femmose do chêu:
doman andiemo a bagno?
riemmo e gödimmo anchêu:
gh'é sempre in mëzo a-e nuvie
ûn tocchettin de çê,
han sempre ûn fiore i margini
do ciù grammo sentê.
