78.
Per no me perde un pò troppo in tra puua
e lascià santa Tecla sotto bancha
l'è megio che ve vegne a lamma giancha
con favve vej re sciamme e ra bravuua

Che Rocchepine sciú de quella artuua
con tanta bizzaria che mai ghe mancha
con tanta forza ascì che mai ro stancha
provà ghe fesse in quella pozituua

Cannonæ e tanto fœuugo dro moderno
ch'ebbe a dí un de laò mezzo astronaò
ch'o no sà se ne sæ tanto all'inferno

Per questo se a mollaò da despeaò
senz'aveì compagnia d'ambo ò de terno
e chi sà d'onde o diâo l'agge portaò.