 |
Questa pagina a l'è stæta corretta. | |
e a tute le autre personne chi lo cognoseam. E possamo penssar che Zacharia tornando a chasa, veghando sancta Elisabeth cossì tribulá de questa novitae, chi era intervegnua, si se fe(r) dar da scrive, e scrisse a ella zo che l'angero gi avea dito. E comandà a quella grandissimo silentio, che lo no se devesse dir fin a tanto che elli requirissem la voluntae de Dee, quando ello voresse che lo se manifestasse. Alaora sancta Elisabet fo pinna de grandissima allegressa e consolatium e de grandissima fe. E incontenente crete cave* per fermo zo che l'angero gi avea dito a Çacharia. Anchora ge scrisse como l'angero gi avea dito che questo garzum serea grande in lo conspecto de Dee, e no beverea vin ni cervoxa. Alaora sancta Elisabet se zità in terra cum grandissima devotium e lagreme e incomenzà a loar e a regratiar Dee de si grande dum e benefitio che se era degnao de dar alli soi servi. E che gi pareiva grande gratia avei figoi, perzochè monto l'avea desiderao e demandao a Dee. Ma questa gi parea si soma gratia de avey cotal fijor e cossy grande in lo conspecto de Dee, che ben gi parea grandissima gratia che ella [non sapeva] in che modo ella poesse recognoser questa gratia. E incomezàm a raxonar inseme questi sancti vegi in che modo poessem renovar la soa vita in piu piaxei de Dee. E ordenàm de far grainde limoxine e da dobiar lo sacrifitio e de spende lo so tempo in oratioim e in loxo de Dee, e cossì anchora tuta la massná. E cossì continuamenti stavam in grandissima alegreza e devotium spiritual, considerando la novitae de questo figor, e de li modi che Dee aveiva tegnui con elli, zoè de dargi tanta alegreza in soa vegieza, provo la morte. E cossì fazando, se acorse sancta Elysabeth che l'era gravia, e semper crescea la alegressa e devotium. E continuamenti abondavam questi servi de Dee in humilitae e cognosenza de lo benefitio che elli receveam. Echa che a sancta Helysabeth comenzà a crescer lo corpo chomo fa a le atre done e a sentir lo beneito figor, si che la maxnaa se ne inconmenzà [a] acorzer e a fra[sic] grande alegreza. E incomenssaze[sic] a spander la nova inter li soi amixi e parenti, e tuti vegnivam cum grande alegreza a far festa a Zacharia e cum Helisabeth e monto se doleam de questo chi era intervegnuo, zoè che Çacharia era devegnuo muto in cossy faito tempo, in cossì faita alegreza, ma no saveam lo secreto de Dee.
Seando santa Helysabeth za gravia de sexe meixi, in quello tempo fo annuntiá a la nostra Dona da l'angero. E l'angero gi disse, che Helysabeth soa cognaa era gravia de sexe meixi, e l'angero ben lo savea, che par che voia dir, che quello mesmo angero anuntià l'un e l'atro. E la nostra Dona, como fo voluntae de Dee, se levà incontenente, e çe a vixitar soa cugná. E pensome che ge fo revelao da Dee, como questo figor devea esser grande in lo conspecto de Dee. E andà la nostra Dona in montagna cum honestissima conpagna. Dovemo crei in la vita de Criste, çeo* in lo libero che fe* Ioseph so spoxo chi andà con ella. Ma e no so como cointar questa overa che inter lo evangerio, che se dixe,* Helysabeth crià for
