 |
Questa pagina a l'è stæta corretta. | |
Responde ut supra.
Preghemo per tutti quelli chi avesseno[sic] daito o deissen de li lor dinai o de lo lor havei, aitorio, conseio o favor in adriçar o far adriçar questa beneita casa, chi è casa de nostro Segnor. Che lo nostro Segnor li merite de questo benefitio, e li multipl[i]che li lor ben spirituai e temporai, e finarmenti li faça habitar in la soa beneita gloria.
Responde ut supra.
Preghemo per lo nostro prior e per lo nostro sotteprior e per li nostri conseihee, massai, officiarij de questa beneita casa e compagnia chi sum et chi seram per archum tempo; che lo nostro Segnor beneito sempre ge dea gratia de réçene et de guiarne per quella via e mainera chi de Christe crucifiço, redentor nostro, sea loço, e multiplication de questa beneita compagnia e salvation de le annime nostre.
Responde ut supra.
Preghemo per tute le annime christianne chi sum in stao de peccao mortar e speciarmenti per li fray de questa beneita compagnia. Che lo nostro Segnor li tragha de peccao e li meta in stao de gratia et de penetentia per la santa piaetae soa.
Responde ut supra.
Pregemo per tuti quelli [chi] sum in stao de gratia e de penetentia e speciarmenti per li nostri singulai frai de Madona da Castello e per tuti li atri chi fam questa disciplina beneita in Çenoa, in lo destreito e in ogni atra parte. E maormenti per noy miseri peccaoy chi semo vegnui a far memoria in questo beneito di de la soa beneita morte e passion, che lo nostro Segnor, per gratia e penetentia e per esser devoti de la soa beneita morte e passion, in la fin nostra tuti ne menne a la soa santa e beneita gloria.
Responde ut supra.
Anchora preghemo la gloriosa Vergem Maria e lo gratioso appostoro messer san Berthomé, maire e patron de questa compagnia, e tuti li atri beneiti santi e sante, che elli preghem lo nostro Segnor messer Yhesu Christe che de queste pregere che noy amo faito, e de tute le atre che noy faremo, ello ne exaudissa, per la soa incarnation, per la sainta nativitae e per la alegra apparition.
Responde: Cripste lo faça per la soa pietae e misericordia.
E açochè lo Segnor Dee ne exaudissa de tute queste pregere, e açochè la doçe Vergen madona santa Maria de ço lo preghe, si diremo cinque fiae lo Pater noster, e cinque fiae Ave Maria, con disciplina.
oratio
Sancta Croxe pretiosa
Unde Christe fo iavao
E cum morte si penosa
Per nostro amor crucificao,
Vostra força virtuosa
Si ne schive da peccay
In vita eterna gloriosa
Ne faça alegri e consorai.
Aytoriaine, segnor Dee, Christe veraxe Salvaor; messer, mandaine de la vostra gratia e de lo vostro
