 |
Questa pagina a no l'è stæta corretta. | |
Fabriçio, Pasquin-na.
Fab. Cara Pasquin-na, considerando à ro perigo che ho
corso, e che gh'è mancao poco, che sæ restao sciù ra
botta, non vœuggio ciù tardâ à mette in caoto mæ nevo,
e asseguraghe tutta ra mæ ereditæ, con fâ ro mæ
testamento. Presto, manda un poco à çercâ ro sciô
Andronico Massamôrro, perchè vœuggio dormî de bon
sœunno.
Pasq. (fa finta di piangere). Ah caro sciô patron! quando
sento nominâ, testamento, me ven mâ de moære, ne hò
sentío parlâ tanto... aime mi, me scciœuppa ro cœu.
Fabriçio, Pasquin-na, Ottavietto, Tiburçio.
Ott. Caro sciô barba, non sò spiegâve quanta sæ ra
consolaçion che prœuvo in veive vivo e san. Doppo
aveive cento, e credúo morto, in questo abraçço (lo
abbraccia) ve daggo un attestato dro mæ amô, e de
l'attaccamento, che ho per ra vostra person-na.
Fab. Via, caro Ottavietto, consolæve, che son vivo; e ro
piaxei che ne prœuvo, l'è quello,
