 |
Questa pagina a no l'è stæta corretta. | |
Sempre a-o ribasso
camminn-a a lîa,
e ûn po' ciû a çenta[1]
ciascûn se tîa,
proprio a-o contraîo
da Catteinin
che a slarga a goenn-a
tûtte e mattin.
A sun de cresce,[2]
de ribassâ,
quarcosa ûn giorno
doviâ scciuppâ,[3]
e questo zêugo
o l'aviä ûn fin
comme a gonfiessa
da Catteinin.
Nasciä ûn masccetto,
nasciä ûnn-a figgia,
satiä via ö tappo
che n'imbottiggia?
Nisciûn sá dïlo,
ma sá ö destin
quaelo siä, ö nato
da Catteinin.
