 |
Questa pagina a no l'è stæta corretta. | |
mai da-e strasse o se leviâ.
Benché netti e repessae[1]
se pêu andâ davanti a-o re,
anche un âse fa figûa
con 'na bella bardatûa.
De modestia ûnn-a preizetta
dâ un profûmmo de viövetta,
ma se in âto ve mettî
porei mëgio comparì.
No se pêu con 'na legnetta
portâ a-o bôggio a pignatetta,[2]
e de certo arregordieî:
Chi fà solo, fà pe treî».
* * *
Ah, che donna mae besava,
comme ben s'a desbroggiava!
L'eä tegnûa da-o vexinato
da-a Ciassetta a-o Borgo d'Ato,
pe ûn oracolo, ûn portento
e de donne ûn reggimento
invaddeiva sempre a cà
pe vegnîla a consûltâ.
E lë, seria, a bocca arvîva
ben segûa de quanto a diva:
