 |
Questa pagina a no l'è stæta corretta. | |
SCINFONIA IN DO MINORE
– Mïa, möggè, che mi son stracco,
o ti cangi o t'arsi ö tacco
o mi e coste ben te sciacco!...
– No g'hò puïa d'ûn macacco...
se ti tenti, piggio ûn bacco
e e çervelle mi te spacco!...
– Fanni l'atto e te sbergnacco[1]
cömme ûn figo o cömme ûn cacco!...
– Prêuva tî, brûtto penacco,[2]
no son donna da fâ smacco!
– Ah, mî e unge no me sciacco;
no me lascio infiâ in to sacco...
– Taxi, dönque te subacco...
Ti no a vinçi nò, perbacco!...
– Gostinasso!
– So' ûn penacco!
– Vegni chi!
– No t'êugio attacco...
