 |
Questa pagina a no l'è stæta corretta. | |
Portae, Campann-e,
l'allegro osanna
in casa a-o ricco,
drento a-a cabanna;
daene ö sorriso,
daene a bontae,
rendei feliçe
l'Umanitae.
A GREPPIA
Bambin bello, bambin cao,
de pellame gianco e fin,
tî t'ë nato in te 'na stalla
comme ûn misero meschìn.
Bonn-a donna no ghe n'ëa
per asciste tò mammà
e poei dî con bella cëa
– S'assemeggia a sò papà! –
O gh'êa un âze ûn po' buscetto,
con ûn bêu magro e cornûo,
che a sò moddo, povie bestie,
l'ha criou un: Benvegnûo!
