Pagina:Cava in to remoin 1930.pdf/148

Fra poco a neive co-i pissetti gianchi
pe-o lungo inverno a ve vegniâ a crovî;
posaeve, o boschi, da-o travaggio stanchi,
ve ritorniä 'sta Primma a reverdî.


NOVEMBRE

Novembre o dorve e porte a-o gianco inverno
e a votte, o l'é ûn inverno antiçipôu;
ne porta ö grisantemo e ö sempiterno
pe-o giorno a-i nostri morti consacrôu.

Ö giorno cûrto fa pareî ciû bella
a veggia accanto a-a stiva co-a famiggia,
tra quarche zêugo e 'na meza ratella
ö sûgo o ghe sta ben de 'na bottiggia.

Ö vin o l'é ben pezo dö contaggio;
se beive pe ûnn-a nascita o ûnn-a morte,
se beive pe brindà, pe fâ coraggio
se beive pe ûnn-a bonn-a o gramma sorte.

Ö vin che in cà se beive in compagnia
o l'é fra tûtti i vin ö ciû tranquillo,
o descia ö bon ûmô con l'allegria
e o mette drento e venn-e ûn pö d'axillo.