 |
Questa pagina a no l'è stæta corretta. | |
LÛGGIO
De Lûggio tûtti anfibi diventemmo,
vivemmo mezo in taera e mezo in mâ,
de conseguenza a vitta regolemmo
in moddo da no perde a carezzâ.
Se ûnn-a scignoa se notta a-a passeggiata
se çerca avvixinala in riva a-o mâ,
s'invita a fâ 'na bella barchezzata,
oppûre se gh'insegna a... gallezzâ.
Se gh'intra a poco a poco in confidenza,
se finze d'ëse chêutti da-a pascion,
e doppo aveî piggiôu quarche licensa
se vegne sempre in taera a-a conclöxion.
De votte, amixi cäi, a bella ombrinn-a
a-a quae con arte gh'emmo bromezzôu,
pescandola a ne lascia quarche spinn-a
che pe rancala o ne ghe vêu ö Bollôu.[1]
AGÔSTO
Se fa sentî ö calore anche da-i sordi,
no semmo intrae pe ninte in sôlleon;
a l'ombra s'arrostisce comme i tordi,
a-o sô se chêuxe e êuve de piccion.
- ↑ Bollöu: il bollato, cioè il diavolo.
