Pagina:Cava in to remoin 1930.pdf/137

A SCOVERTA DE VORONOFF

T'äe letto, Michelin, in to giornale
a scoverta de quello professô?
Scangiandote ûnn-a gandoa interstiziale
o te rimette a nêuvo sensa dô.

D'ûn vëgio ne fà ûn zôeno tale e quale,
forte, axillo e ardente de vigô;
'na cosa coscí sorvanatûrale
comme se a lûnn-a a diventesse ö sô.

Vei seia, doppo çenn-a, ciacciarando,
ho informôu da cosa mae moggê,
a quae m'ha dito riendo: – Cäo Fernando,

son balle che me fan dormî d'in pë! –
E mî te g'ho risposto de rimando:
– Son balle scî, però, de scimpansé!...


Ö LÛTTO PE-O MAÏO

– Ghe fasso e condoglianze, sciâ Manena,
pe-a gran disgrazia che gh'é capitâ...
Un pö in ritardo, scî; son staeta a Zena
diversci meixi in casa de mammâ.