 |
Questa pagina a no l'è stæta corretta. | |
Purtroppo, lungo i secoli
pe côrpa de faziôin,
t'ae supportôu da forte
assedii e distrûziôin.
Dûxi, Marcheixi, Prinçipi,
t'han invidiôu, t'han vinta;
han fabbricôu castelli
in drento da têu çinta,
che battezzae da-a Brilla,[1]
e da l'agûo Speron,
doveivan, ëse ûn scimbolo
d'eterna sôggezion.
Cö zetto de têu case,[2]
ö porto t'han impio,
t'han faeto baxâ a pûvie,
a libertae rapio;
pûre ciû bella e nêuva
da-e çenie t'ë risorta,
pe-a volontae de gente
che ö basto a nö söpporta.
