 |
Questa pagina a no l'è stæta corretta. | |
RIGORDI... AMAI
Ti te arregordi, dimme, Marinetta,
de quando semmo andaeti a barchezzâ?
ti m'ae faeto ben ben a ritrösetta,
ma poi, a-a fin, ti tè lascià baxâ.
Cömme a filava ben quella barchetta,
cömme l'ëa bello quello giorno ö mâ,
quant'incanti l'aveiva a têu faccetta,
rôssa da-i baxi che no sò scôrdâ.
Tî te saïesci daeta, l'ho capïo,
ma de piggiate no son staeto bon...[1]
A taera poi, però, me son pentïo
d'avei perso coscì bell'occaxôn
e me son dito forte: – Caro mio,
ti g'hae faeto a figûa dö be...stasson.
BÜSCHE E TRAVI
Che lengua de savatta quella figgia,
besêugna ch'a sentisci, Catteinin;
a me ne dixe tante che o me piggia
a futta e me ghe rodo da-o venin.[2]
