Pagina:Cava in to remoin 1930.pdf/104

Cöse a fa 'sta nêutte ciaea,

'sto portento de splendô,
se no gh'é due stelle paege

di dui êuggi do mae amô?

III

Passa ö tempo, van e stelle,
e mi çerco, çerco attento:
in te tûtto ö firmamento,
no ne sponta comme e sêu.
Côri, o nêutte, côri presto,
lascia a l'arba fâ ritorno,^[1]
perché posse tûtto ö giorno
vedde e stelle dö mae chêu.

Cöse a fa 'sta nêutte ciaea,
'sto portento de splendô,
se no gh'é due stelle paege
di dui êuggi do mae amô?

1. Arba: alba.