Pagina:Bacigalô.Prose.rimæ.1891.pdf/257

E pueighe dî, se o capita,
Ho dîto sempre « No »

9
Pei baxi, pe-a vertigine
De questo abbrassamento,
Crescendo a-o nostro zoveno
A stola e l'ardimento:
« No posso dûâ, bell'anima
In questa condizion,
Se te rapisse, dimmelo,
Ti fæsci oppoxizion? »
Rapîla? veramente
Ghe paiva sconveniente
Ma comme fâ a negaghelo?
Se a deve dî de « No? »

10
E questo no piggiandolo
Per ûn affermativa,
O te l'abæra sûbito
E a-o portego o s’asbriva,
Quand’ecco che ghe capita
In faccia o genitore,
Tornôu senza aspëtaselo,
Pe avei perso o vapore....
« A l[']è coscì, canaggia »
O cria, neigro de raggia,
« Che ti ûbbidisci all'ordine
De dî sempre de — No? »