Documenti in vorgâ de l'Ofiççio de Sanzorzo e de so colonnie d'oriente/467

Documenti in vorgâ de l'Ofiççio de Sanzorzo e de so colonnie d'oriente a cua de P. Amedeo Vigna Doc. CCCCLXVII- 13 nov. 1459 - Tersa propoxiçion pe riformâ l'ofiççio di Protetoî

Negot. gest. off. s. Georg. ann. 1457-1467, fol. 97 (ed. into Codexo Diplomatico de Colonnie Taoro-Ligure, Atti da Societæ Ligure de Stoia Pattria, VI, 1868)
in corscivo paole latin-e, toscan-e e grafemi toscanizanti; tra parentexi quaddre e lettie da azonze, tra parentexi tonde quelle da esponze; azonto maiuscole e diacritichi.
↑torna a-a lista di atri scriti

Segnoi, pensando noi in quelle cosse [che] possam esser utili a queste compere et a li loghi de li quae hano lo dominio li protectoi de le dicte compere, havemo conossuo per lo experimento esser necessarissimo, per utilitae de le dicte compere et de lo rezimento de li dicti loghi, reformare lo officio de li protectoi, come totiens est aregordao. Propter quod noi intendendo de elezer novo ufficio, aciochè anti la sua intrâ habiam buona information de quello [che] sea degno de sua advisation, item per esser chi dixem per ben et aviamento de la citae che pensan alcuni se porrea provei a le cabelle de la mercantia per forma la qual serea utile, la qual tamen noi non havemo deliberao de fare questa convocation anti la election de novo officio, et proponeve quanto a noi pare et utile et necessarissimo a le compere, cabelle et rezimento la reformation, seando non solum difficile ma etiam impossibile che le cose et facende de questo officio se possam fare ben, se non se fa nova et buona provisione, et [che] quello importe tanta difficultate le prudentie vestre faciliter lo intenden et alcuni de voi ham experimentao. Insuper quando se transferì lo dominio de Corsega in queste compere, non havendo notitia de alcune cosse le quae la pratica ha daeto a intende, fo faeta regula de li officiali et officij la qual fossia bisognereiva de reformation per utilitae de le compere et aciochè a le virtute sea logo, la qual cossa etiam ve notificamo aciochè mediante li vostri savi arregordi se delibere de fare quella reformation [che] parirà necessaria a quelli [che] se elezeran, se lo delibe[re]rei. Noi quanto possemo ve exhortemo [che] ve piaxe per li respecti dicti in la prima et la seconda parte dare de li vostri savij consegli, aciochè super quelli [che] pariram piu utili se facia quella deliberation la quale, mediante lo divin auxilio, sea bonna per queste compere, a le quale est utile fâ le provisioin necessarie quando lo tempo require, et maxime nunc che gratia Dei se puon ben consegiare.