Documenti in vorgâ de l'Ofiççio de Sanzorzo e de so colonnie d'oriente/462

Documenti in vorgâ de l'Ofiççio de Sanzorzo e de so colonnie d'oriente a cua de P. Amedeo Vigna Doc. CCCCLXII- 16 ago. 1459 - Pe armâ de galee.

Framento do codexo Varni (ed. into Codexo Diplomatico de Colonnie Taoro-Ligure, Atti da Societæ Ligure de Stoia Pattria, VI, 1868)
in corscivo paole latin-e, toscan-e e grafemi toscanizanti; tra parentexi quaddre e lettie da azonze, tra parentexi tonde quelle da esponze; azonto maiuscole e diacritichi.
↑torna a-a lista di atri scriti

Segnoi, voi ve poei arregordar che seando staeto otegnuo in grande consegio de citaim convocae in palaxo cum grande consentimento o de tuti o quasi de tuti de rearmar le nostre galee, parse che libre xxii mila devessam bastar. Ma possia supervegnando de quello chi non se era pensao devei esser, s'è inteizo che le cose de avegnir sum incerte e mar se po judicar de elle, persochè voi havei visto le galee star in Corsega longamenti contra la opinium nostra, in lo qua star de Bonifacio s'è convegnuo spender grossamenti. Primum elle consumam tuta la munitium de li graim de Bonifacio, per lo qual questo magnifico Officio de san Zorzo se retem de li dinae de la scripta ducati dlxxx. Item per sustentatium de quelle [che] se mandam de qui in Bonifacio ducati dcccc, le quae doe partie prendem circa libre xxxx mila. Item possia che le galee sum vegnue qui, è parsuo ben a li quatro officiali chi ghe sum deputae pagar le chiusme per xxv jorni e prometeghe paga de doi meixi, li quae xxv jorni ne portam pu de libre xxxx mila. Item se perde de la scripta a lo numero libre dc e pu, le quae partie che le leva de libre xxii mila, resta la summa pocho piu de libre xiii mila. Lo illustrissimo monsegnor e lo magnifico officio de la bailia, calculao ben ogni speiza, intendem che a voleir armâ e tegnir le dicte galee doi meixi, no pum far questo cum men de altre xxii mila lire. Item se questa monea de che se bizogna non se ha monto presto, tuto quello chi s'è faeto e fa è perduo, persochè li patroim commenseram subito a servir, e chi non haverà forma a darghe lo compimento, elli consumeram lo soldo in lo porto. Item, como voi vei, la stae va passando, e chi non gode lo bon tempo consumereiva lo resto a combater cum lo mar e cum li venti, per le quae caxoin ogni forma di dinae chi se trovasse e fosse lenta, desfareiva li faeti nostri. Ma considerando li dicti illustrissimo monsegnor e lo officio che maravegia parreiva requerî a Sanzorzo nova scripta, se per la scripta faeta de libre xxii mila a trei meixi elli non fossem contentae, ha trovao mainera che lo Officio serà pagao tosto de monti jorni avanti lo termen, e de questo se farà aora subito certo e seguro esso officio in contentamento so, perchè non seandoghe altra via presta a butar fuora questa armâ, se requere che piaxa a questi magnifici protectoi far una scripta de altre libre xxii mila a lo illustrissimo monsegnor et officio de bailia a tempo de sexe meixi, seando lo officio de Sansorzo faeto bem seguro e contento a judicio so e non spendando uno soldo de lo so.

Voi segnoi havei a considerar che chi butasse balotola neigra parreiva veramenti non consegiasse bem Sanzorzo, persochè habiando aora a vender la cabella de lo vim, e possia intra pochi meixi tute le altre, grandissima differentia serà da haveir traeto questa armâ e conjuncta cum quello de lo serenissimo re de Scicilia, a avei lasciao a li inimixi la segnoria de lo mar, e lassao che elli stagam e sivèrnem in le nostre rivere, sea per la vergogna e infamia nostra per tuto lo mundo, sea per lo bom mercao o caristia de le victualie, sea etiandê per le intentioim e speranza daeta a lo dicto serenissimo re. E persochè a la reputation nostra releva monto che paera che simile cose se deliberem unitamenti de buona voglia de ciascum, e non che altri tire e altri mole, voi sei preghae tuti de butar la palotola bianca a fim che se intenda ciascum havei buom animo, la qual opinione varrà assai inter li foresteri e tuti li vexim nostri.

Qua proposita per dictos duos officiales balie presentata, ita lecta, dicti magnifici domini protectores, ad majorem omnium declarationem, jusserunt coram omnibus tunc presentibus proponi per me cancellarium infrascriptum ut infra, videlicet:

Aciò che ciascum di voi intenda cla[i]ramenti le cautioim et satisfactioim de le quae se parla in la posta per la scripta de le lire xxii mila za faeta a tempo de trei meixi, e per questa altra scripta la qua se requere aora a tempo de meixi sexe de altre lire xxii mila, vogliamo schiararve che per le prime lire xxii mila n'è staeto daeto uno manuale de soldi x sun le conventioim, et ultra obligao li debiti de rivere, li quae se porram scoe molto piu facilementi se le galee se armeran, e faciando questa nova scripta lo magnifico officio de balia offere de lassià scoe li dicti soldi x in kalende de septembre proximo, e obliga per l'altra scripta, la qual se requere aora, tanta nova imposition sun li citaim soto quella forma [che] parrà meglio a quelli [che] ghe deputarei, cum questo che a se possa scoe de meixi trei avanti lo termen de la scripta, et cum questa declaration che li citaim li quae vorram paghâ de le scripte de li banchi a quelli termini [che] seram staete faete, ghe seam acceptae, donde elli fasem li pagamenti intra li termini [che] se publicheram, e ultra offere per questa ultima scripta ogni caution e obligo lo qua se possa far per lo commun, afinchè le compere seam bem segure. Le prudentie vestre aora pom intende tuto, perchè ciascum bem appensao daga lo suo savio consegio.