Cava in to remoin 1930/SEIANN-A TRADITÖA

by Gioxeppe Cava

←A çighaea d'öu

In to remoin de Gioxeppe Cava Seiann-a traditöa

A ûn vëgio pin solitaïo→

SEIANN-A TRADITÖA

Gh'é 'na barchetta in mâ
che pä d'argento fin
a l'agge a veïa,
sott'a lûxe incantä,
da lûnn-a nêuva in pin,
de questa seïa.

A poppa en accostae
due ombre che ogni pö
se dan ûn baxo;
ma a lûnn-a che a l'ha cöae^[1]
de stâ da canto sò,
no ghe fa caxo.

'Na fresca brixa a ven
da-i orti pröfûmmâ
de limonetto,
che seïa imbrillantâ
pä ûn trabochetto

galïoto e ingannatô,
scavôu a-i nostri pê,
pe fane cazze^[2]
a-o canto de l'amô,^[3]
che ö mâ ripette a-o çê
baxando e ciazze.^[4]

1. Cöae: voglia, desiderio.
2. Cazze: cadere.
3. Amô: amore.
4. Ciazze: spiagge.